شعراء جزل يصنعون من إسم ( نايف بن عبدالعزيز ) أجمل اللوحات الشعرية

[جـــــزل]

	بسم الله الرحمن الرحيم بمناسبة القرار الملكي الكريم القاضي بتعيين صاحب السمو الملكي الأمير المحبوب نايف بن عبدالعزيز نائبا ً ثانيا ً لرئيس مجلس الوزراء ، قدم مجموعة من شعراء جزل المبدعين عددا ً من اللوحات الشعرية المتميزة إهداءً لسموه وتعبيرا ً عن الإبتهاج الكبير الذي عم الجميع بهذا الحدث السعيد. وقد تميزت هذه اللوحات بأن احتوت كل قصيدة من قصائد الشعراء جميعهم على إسم ( نايف بن عبدالعزيز ) حيث يمثل كل أول حرف من كل بيت حرفا ً من اسم سموه وتتابع الحروف بتتابع الأبيات إلى أن تكتمل جميع حروف الإسم الكبير. لن نطيل عليكم ونترككم مع هذه اللوحات الشعرية الشامخة بشموخ ( نايف بن عبدالعزيز ): - - - - -

[جـــــزل]

( ن ) نسوق القوافي سوق لاجالها ماجوب=ولاخير في رجلٍ قصر دون ماجوبه
( 1 ) أصخر بيوت الشعر فاميرنا المحبوب=بيوت على الشاعر من الشعر محسوبه
( ي ) يغني بها الطرقي على جرة المسحوب=لامنّه ضرب له تختخ ٍ زافت عشوبه
( ف ) فيافي الديار اللي حكمها راعي المركوب=معه من هل الفزعات ستين منجوبه
( ب ) بنى دولة التوحيد يوم البلاد حروب=وهي قبل يدخلها من العز مسلوبة
( ن ) نسينا الزمان اللي كلا الغالب المغلوب=وعشنا زمان الخير والامن والتوبة
( ع ) عسى الله يديم الامن للدار ستر وثوب=ويرفع مقام اللي يجي الامن من صوبه
( ب ) بلادٍ بدون رجال يلعب بها اللاعوب=وخيراتها مع طول الايام منهوبه
( د ) دهاة الرجال تصونها مايجيها عيوب=مثل نايف اللي يقهر الخصم باسلوبه
( ا ) أمير به الحكمة وعنده ذكا واسلوب=ابو متعب اختاره وشعبه تغنوا به
( ل ) لامن الوضع جابه من الخصم دحم جنوب=وقف وقفة تبقى على كل مشذوبه
( ع ) على قولة اهل العرف له ماقفٍ محسوب=هو اللي اليا مسّ الامن شب لاهوبه
( ز ) زعيم الامن لاصار لاهل الخراب جيوب=ونائب ولي العهد والشعب شادوا به
( ي ) يقدم له الشعب السعودي عهد مكتوب=على صفحة التاريخ تقرا ومكتوبه
( ز ) زهى حنكة القائد وإليه الامر منسوب=ولد شايبٍ جعل الولي يغفر ذنوبه

الــشـــاعـــــر/ ســعــيــــد الــقــحــطــانــي

[جـــــزل]

( ن ) نعانق سما الابداع والمدح فيه إبداع=ويزهى معان الشعر من مدحك وسامي
( ا ) اترجم بشعري ماخفا من ورى الاضلاع=دليل الولاء والحب ماخطت أقلامي
( ي ) يخيل اخيال الخير والبارق اللماع=على المنهل اللي يروي الوارد الضامي
( ف ) فخرنا الكريم الوافي الصارم البتاع=رقى في سنام المجد والمركز السامي
( ب ) برع بالسياسة والرياسة كريم أطباع=يفرّح كبود ويحرق كبود لاقامي
( ن ) نقدم ولانا له وتقديرنا باجماع=على مايبي نمشي معه درع وحزامي
( ع ) عبر بالسفينة في المحيطات دون شراع=وتعدى خطر بحر(ن) لموجه تلطامي
( ب ) برك للحمول بقوّ عزم ٍ وطول ذراع=وحمى دولة الاسلام من ظلم واجرامي
( د ) دخل للفخر من دون بابٍ ولا مصراع=سليل المكارم والوفاء نسل الاكرامي
( ا ) انا اقول من مثله حمى الدار من الاطماع=وبث الامن وارسى تعاليم الاسلامي
( ل ) لأنه وريث المجد.. به من الامام اطباع=نهار(ن) طلع صبحه على حلك الاظلامي
( ع ) عسيف المعاني صوب غيره ماهي مطواع=وتجي صوب مدحه مالها لجام وخطامي
( ز ) زمام الامور بكف نايف طويل الباع=كريم اليمين اللي رعت حق الايتامي
( ي ) يمين الكريم الحاتمي مشبع الجياع=عسى سيدي يبقى على طول الايامي
( ز ) زمان الفتن لوعاد واختلت الاوضاع=فداكم رجالٍ تحمي الموقف الحامي

الــشـــاعـــــر/ عــبــداللــه بــن فــهــد

[جـــــزل]

( ن ) نوض القصيد اليوم شعشع واستقاد=وارهى على الطالات لعزاز الرجال
( ا ) ابدا مضامين القلوب اللي جداد=فوق القديمة بالولاء فعل ومقال
( ي ) ياسيدي نايف ذرا الحق الوكاد=يالنائب الثاني عمى من كان عال
( ف ) فوق الوزارة شلت حملك والعتاد=وحطيت بصمة واتسم فيها الكمال
( ب ) بنيت بالعزم الثقة والاجتهاد=حتى استقام الحق وابدا له ظلال
( ن ) نبع المعرفة والزعامة والسداد=ونبع الشجاعة محتوى كل الخصال
( ع ) عزيت دارك واكتسى كل البلاد=أمن ٍ حسدنا فيه تباع الظلال
( ب ) باني صروح الامن لين اضفى وساد=رغم الحسود اللي سعى للإنحلال
( د ) دورك رسمته صح واوفيته وزاد=اسطورة الحق الذي هد الجبال
( ا ) أعلنتها مافيه شرط ولاقياد=دون الوطن لاهل الفتن حد السلال
( ل ) لأنك أسد مايرتضي لاهل السواد=أهل القلوب اللي غوت في كل حال
( ع ) عين إليا من حققت مثل الزناد=من شخّصت به تدركه بالاشتعال
( ز ) زحت الظلام اللي بغوه أهل الفساد=ودام العلم فوق القمم في كل جال
( ي ) ياسيدي عمرت وابلغت المراد=باسمي وباسم الشعب نهديك الجزال
( ز ) زاد الولاء ياسيدي بالاعتماد=يوم الثقة ياسيدي باسمك تقال

الــشـــاعـــــر/ مــطــلـق الــحــصــان

[جـــــزل]

( ن ) نلت الثقه يا سيـدي طيـر حـوران=يا مـن تجـاوز مجـدك الفرقدينـي
( ا ) استبشرت بـك دارنـا دار الايمـان=وشاع الفرح فيها يسـار و يمينـي
( ي ) يا سترنا لا كشر الوقـت ثـم شـان=حام الوطـن مـن زمرة ٍ معتدينـي
( ف ) فـراج كربـة مـن تبلتـه الازمـان=وجه السعد شـرواك نعـم العوينـي
( ب ) بأسمي و أسم ربعي هل العز و الشان=دواســرن لملوكـنـا امبايعيـنـي
( ن ) نرفـع تهانينـا لكـم يـا كحيـلان=و الله يديم الأمـن طـول السنينـي
( ع ) على الوفاء و العز يا ذرب الايمـان=نعلـن ولانـا للـوطـن منتميـنـي
( ب ) برواحنا نفدي الوطن خير الاوطـان=نفدي الوطـن و ملوكنـا الغانمينـي
( د ) دستورنا القـرآن منهـج و تبيـان=و حكامنا و النعـم يـا الحاكمينـي
( ا ) المملكه في خيـر و بأمـن و آمـان=و مـا همنـا تخـبـط العابثيـنـي
( ل ) لا جاء الوعد يا دار تبشر بشجعـان=حنـا جنـودك و الفعايـل تبيـنـي
( ع ) عزم و عزيمه في شريعـه و قـرآن=تحت أمر أبو متعب طويـل اليمينـي
( ز ) زيزومنا لا جـات روغـات الاذهـان=اللـي ليـا داس القواسـي تلينـي
( ي ) يبراله الضرغام و الشهـم سلطـان=أبو المكـارم و الجنـاب الحسينـي
( ز ) زبـن المجنـى للجميـلات عنـوان=وارث طنـاخـة لابـتـه لوليـنـي

الــشـــاعـــــر/ مــســفــر الــدوســري

[جـــــزل]

( ن ) نوخن لي يابنات الفكر في عالي طمية=وابركن والمتن لامنه برك للحمل شاله
( ا ) المواقف كايده والعمر تطلبه المنية = والرجل يرفع مقامه عند خلق الله مقاله
( ي ) ياحروف الشعر قومي وارقصي صبح وعشية=دام ابو متعب ملكنا معتلي عرش الجلاله
( ف ) فوق هام السحب يادار السعد دار الحمية=بالهدى والدين والشرع الحنيفي والعدالة
( ب ) بين المرسوم للعراف حنكة داخلية = للمليك اللي على الطالة يميل في عقاله
( ن ) نائب ثاني قضى عمره وزير الداخلية = نايف من اسمه ورسمه ماخذه سامي خصاله
( ع ) عز دين الله وذل اللي نواياهم ردية = ومن نوى التخريب والإجرام في دار العدالة
( ب ) بطشت النايف ترصدهم وبطشاته قوية = لين شرد زمرة الشيطان واصحاب الضلالة
( د ) دام نايف ماسكا السيف باليمنى القوية = والله إن الأمن والإيمان يمشي في ظلاله
( ا ) إن تكلم ماتقول إلا عمر ولا حليه = وإن سكت من هيبته كنه على الكرسي لحاله
( ل ) لا يهاز ولا يراز وعنده حلول القضية = كلمته سيفاً يحل المعضلة في كل حالة
( ع ) عقّمن كل النسا مايلدن رجال زيه = السياسة والكرم والدين في ذاته دلاله
( ز ) زاده الله بسطة فالعقل عن كل البرية = وإن عطى يغني الفقارا ما يحسب وش بقاله
( ي ) ياطويل العمر جعل سنينك سنين مدية = الله يخليك للتوحيد وإنصاف العدالة
( ز ) زايدياً جيت أبارك لك وربعي زايدية = ما نخونك والولاء كلاً يوصي به عياله

الــشـــاعـــــر/ تـريـحيــب بـن حـمـيــر

[جـــــزل]

( ن ) نبدا بذكر الله على كل ماكان = الواحد المعبود رب العبادي
( ا ) اللي رفع سبع ومن غير عمدان = واللي بسط سبع بليا وتادي
( ي ) يقفاه جزل القاف مع زين الالحان = أبديه من هجسي ولب الفوادي
( ف ) في سيدي نايف ذرا الوقت لا شان = راع المواقف والامور الشدادي
( ب ) بارك له الشعب وبه الشعب فرحان = محبته مابين حضر وبوادي
( ن ) نجاحه اللي فالبلد خير برهان = (النايب الثاني ) وزير البلادي
( ع ) عم الأمن بقيادته كل الاوطان = افنى الفساد ومن يجيب الفسادي
( ب ) بدد هل التخريب والشر من دان = بامان في وقته وستر وركادي
( د ) درع الوطن والمملكة كلها امان = رجل حكيم وبالعدالة قيادي
( ا ) اختاره الحاكم يجي عون سلطان = نعم العوين ونعم هاك المنادي
( ل ) له الولا منا وله كل سفطان = حنا جنوده مرهبين الاعادي
( ع ) عساه يسلم سيدي طير حوران = وعسى حياته كلبوها عيادي
( ز ) زيزوم ومحنك وواعي وفهمان = واسمه على كل المراقيب بادي
( ي ) يارب ندعي له شباب وشيبان = إنك توفقه السعد والسدادي
( ز ) زان القصيد وعد ماهلت امزان = صلوا على اللي للمخاليق هادي

الــشـــاعـــــر/ سطــام العـضـيـانــي

( ن ) نبدا بنون ونون مبدا سوره=ويزين بدع القاف في اخّو نوره
( ا ) النايب الثاني وزير الدولة=نايف وهو صمّام الامن وسوره
( ي ) يسهر على شعبه ليا من ناموا=وفي راحة الحجاج قام بدوره
( ف ) في الداخلية له مكان بيّن=تقضى الامور بحنكته وحضوره
( ب ) بانت مواري شيخته من صغره=يوخذ برايه ويتسيّد شوره
( ن ) نسل الملوك ومن حرار معزّي=من لابةٍ عند اللقا مخبورة
( ع ) عزوة هل العوجا كعام العادي=ريف العطا رمز الصخا وبحوره
( ب ) بالسيف والشرع الحنيف الوافي=ملكٍ لهم من سابقات عصوره
( د ) دارٍ حباها الله بخدمة بيته=رمز السلام وقبلة المعمورة
( ا ) الشعب يعرف قدرها ويصونه=وله وقفةٍ في شانها مشهورة
( ل ) لا من دعا داعي بلدنا ناقف=وقفة وفا ما هيب وقفة بورة
( ع ) على علمها لا إله إلا الله=والسيف رمز الراية المنشورة
( ز ) زيف الفتن ما هزّ منها شعره =والارهاب خاب وشلّته مدحورة
( ي ) يدوم نايف للوطن وايمانه=وانّا جنوده والعدا مقهورة
( ز ) زبدة كلامي كلمةٍ مختصرة=الله يعزّ الدّار باخّو نورة

الـشـاعـر/ عـبــدالـلــه بــن راجـــس

[الزايديه]

صحححححح لسانهم جميعا ولاهانو
قصائد رائعهـ
يستاهل الاميرناايف كل خير
ولاهنت ياجزل على طرح القصائد

[نجــــــــــديه]

الله الله عليكم شعاررررررررررنا ولا اروع

صح لسانكم وعلا شانكم

قصائد اكثر من جميلة وحضور من نور للمبدعيين

هنا لم أجد من الكلمات ما أعبر بها عن ماشعر به لما لامسته من صدق إحساسيكم ..

فأشعر أن الكلمات تخجل .. تقف عاجزة عن شكركم واطرئكم

لحسن صياغة النصوص في وصف محبتكم

ومحبة الشعب لنايف بن عبدالعزيز حفظه الله

وما هذا الهطول الا من سحب الخير

وفيضا من غيض من عطائكم الا محدود

دمتم لنا مبدعيين ومعطائيين

[تريحيب بن زابن]

الله الله
قصائد تستحق ان تكتب بماء الذهب
الله يعطيكم العافية ياشعراء جزل
والأمير نايف بن عبدالعزيز يستاهل الملعقات التي تقال فيه
قلتم فأبدعتم ، وياليتني شاعر واعبر عن شعوري تجاه هذه الشخصية الكبيرة