فارس الدبالين
20-Aug-2009, 05:32 PM
بسم الله الر حمن الرحيم
السلام عليكم ورحمة الله وبركاته بداية احب اهني الجميع بحلول شهر رمضان المبارك اعاده الله علينا وعليكم سنين مديده.
الشي الثاني انا كلي شرف بإنضمامي لهاذا المنتدى الجزل في كل شي بمواضيعه وشعره واعضاءه وكل القائمين على هذا المنتدى الجزل بمعنى الكلمه.
وهذي بيتين قلتها كبدايه وسامحوني على القصور
لاصـرت مابـيـن الرجـال الـمفالـيـح
في مـنـتدن للـمرجـلـه والـجـزالــه
اهل الوفا والطيب نسل الطحاطيح
كني ملـكـت الكـون بأهـل الاصاله
اما من ناحية المشاركه فهي قصيده بعنوان معلم طويق والذيب وانا شاعر مبتديء كلي شرف لتلقي آرائكم ونقدكم تقبلو تحياتي....
---------------
البارحه كني على معلم طويق = اجاوب السرحان لامن عوالي
وكل ماعوا جاوبته بونةالضيق = إعواه جوع وونتي ماجرالي
ونا على بوح الصناديق ماطيق = لكن صوت الذيب حرك خيالي
وقمت أتخيلني على معلم طويق = اجاوبه لامن عوا من اجزالي
كنه يقول انته بروس الشواهيق = واعرف ترى ماهيب سهل المنالي
خل الهموم وبوح سرالمغاليق = ومن باح سره شاف كثر الهوالي
بعلمك شين درسته بتدقيق = وهذي نصيحه من رفيقن موالي
صاحب هل العليا وجنب عن الهيق = ترى الصبي من سيره باحتمالي
واحقر هل النمات واهل التلافيق = اللي يذمونك ليا جا مجالي
وادمح عن الزلات لوهي مسابيق = وان كررت عطها بحد السلالي
واحذر عدوك لايجيله تلاحيق = وعادة شجيع القوم لا مايمالي
واكرم ضيوفك بالذي عندك يليق = الجود بالموجود قوتن ومالي
واعرف ترى رجلن بلا ربع في ضيق = ورجلن وسط ربعه عزومه جلالي
وعامل جميع الناس حسب التناسيق = احدن سوا واحدن عزيزن وغالي
وارفع مقامك عن جميع المخاليق = خلك عزيزن رافع الراس عالي
وإليا بغيت الطيب يتبعه توفيق = ناسب معرب من عمام وخوالي
ياتيك صبين له خوالن مطاليق = والصبي طيبه عايدن للخوالي
خل الجمال وخل عنك الغرانيق = لاياخذك زين الدلع والدلالي
لاصار مال الطيب فيها تعاليق = ماهيب لامكسب ولا راس مالي
ياتي ولدها مثل ماقيل هقهيق = قلبه فضيخ وعايشن بالهبالي
وإن كان ياذيبان ماجت توافيق = عود ليامن شفت نور الهلالي
خلنا نبوح الضيق في قمة طويق = وأحذر تناساني تراني لحالي
قلت الزمن هذا زمان التواهيق = خبرك عتيق وماضي العرف زالي
الصدق ماتلقالك اليوم صديق = وماعاد تلقا فالزمن ذا رجالي
ان كان بك مصلوح تلقا مطاليق = وإن كان ماعندك غديت بهيالي
حتى المراجل بالمصالح تسابيق = تبدلت عاداتهم بالريالي
وهذا زمانن شاخ فيه الزناديق = من عقب ماهي تنوخذ بالقتالي
وحتى الخوي لامن نخيته من الضيق = مايظهر الفزعه ولاهو يبالي
والناس لو عاملتهم بالمصاديق = إن كان ماهجدتهم عزتالي
الناس واكثرهم سواة السواحيق = إن كان منتب ذيب صرت الحثالي
باعلمك كلن بنفسه وتويق = وكلن يشوف انه سواة الجبالي
اترك جميع الناس جمعن وتفريق = الا مع الطيب كريم السبالي
باعلمك ياذيب ياعلك اتفيق = عش عمرك بعزه وحيدن وعالي
في عالي الدنيا على هامة طويق = قد فات خبرك ياعهيد الطوالي
ونا ترى باجيك لاغصني الريق = وبجاوبك لامن عويت ابخيالي
والله يفرجها عوين المخاليق = قادر يفرجها عظيم الجلالي----
مــعلـم طويــق والذيب وسلامتكم
وسامحوني على طريقة التنسيق ترا ماش خبره تقبلوا تحياتي...
السلام عليكم ورحمة الله وبركاته بداية احب اهني الجميع بحلول شهر رمضان المبارك اعاده الله علينا وعليكم سنين مديده.
الشي الثاني انا كلي شرف بإنضمامي لهاذا المنتدى الجزل في كل شي بمواضيعه وشعره واعضاءه وكل القائمين على هذا المنتدى الجزل بمعنى الكلمه.
وهذي بيتين قلتها كبدايه وسامحوني على القصور
لاصـرت مابـيـن الرجـال الـمفالـيـح
في مـنـتدن للـمرجـلـه والـجـزالــه
اهل الوفا والطيب نسل الطحاطيح
كني ملـكـت الكـون بأهـل الاصاله
اما من ناحية المشاركه فهي قصيده بعنوان معلم طويق والذيب وانا شاعر مبتديء كلي شرف لتلقي آرائكم ونقدكم تقبلو تحياتي....
---------------
البارحه كني على معلم طويق = اجاوب السرحان لامن عوالي
وكل ماعوا جاوبته بونةالضيق = إعواه جوع وونتي ماجرالي
ونا على بوح الصناديق ماطيق = لكن صوت الذيب حرك خيالي
وقمت أتخيلني على معلم طويق = اجاوبه لامن عوا من اجزالي
كنه يقول انته بروس الشواهيق = واعرف ترى ماهيب سهل المنالي
خل الهموم وبوح سرالمغاليق = ومن باح سره شاف كثر الهوالي
بعلمك شين درسته بتدقيق = وهذي نصيحه من رفيقن موالي
صاحب هل العليا وجنب عن الهيق = ترى الصبي من سيره باحتمالي
واحقر هل النمات واهل التلافيق = اللي يذمونك ليا جا مجالي
وادمح عن الزلات لوهي مسابيق = وان كررت عطها بحد السلالي
واحذر عدوك لايجيله تلاحيق = وعادة شجيع القوم لا مايمالي
واكرم ضيوفك بالذي عندك يليق = الجود بالموجود قوتن ومالي
واعرف ترى رجلن بلا ربع في ضيق = ورجلن وسط ربعه عزومه جلالي
وعامل جميع الناس حسب التناسيق = احدن سوا واحدن عزيزن وغالي
وارفع مقامك عن جميع المخاليق = خلك عزيزن رافع الراس عالي
وإليا بغيت الطيب يتبعه توفيق = ناسب معرب من عمام وخوالي
ياتيك صبين له خوالن مطاليق = والصبي طيبه عايدن للخوالي
خل الجمال وخل عنك الغرانيق = لاياخذك زين الدلع والدلالي
لاصار مال الطيب فيها تعاليق = ماهيب لامكسب ولا راس مالي
ياتي ولدها مثل ماقيل هقهيق = قلبه فضيخ وعايشن بالهبالي
وإن كان ياذيبان ماجت توافيق = عود ليامن شفت نور الهلالي
خلنا نبوح الضيق في قمة طويق = وأحذر تناساني تراني لحالي
قلت الزمن هذا زمان التواهيق = خبرك عتيق وماضي العرف زالي
الصدق ماتلقالك اليوم صديق = وماعاد تلقا فالزمن ذا رجالي
ان كان بك مصلوح تلقا مطاليق = وإن كان ماعندك غديت بهيالي
حتى المراجل بالمصالح تسابيق = تبدلت عاداتهم بالريالي
وهذا زمانن شاخ فيه الزناديق = من عقب ماهي تنوخذ بالقتالي
وحتى الخوي لامن نخيته من الضيق = مايظهر الفزعه ولاهو يبالي
والناس لو عاملتهم بالمصاديق = إن كان ماهجدتهم عزتالي
الناس واكثرهم سواة السواحيق = إن كان منتب ذيب صرت الحثالي
باعلمك كلن بنفسه وتويق = وكلن يشوف انه سواة الجبالي
اترك جميع الناس جمعن وتفريق = الا مع الطيب كريم السبالي
باعلمك ياذيب ياعلك اتفيق = عش عمرك بعزه وحيدن وعالي
في عالي الدنيا على هامة طويق = قد فات خبرك ياعهيد الطوالي
ونا ترى باجيك لاغصني الريق = وبجاوبك لامن عويت ابخيالي
والله يفرجها عوين المخاليق = قادر يفرجها عظيم الجلالي----
مــعلـم طويــق والذيب وسلامتكم
وسامحوني على طريقة التنسيق ترا ماش خبره تقبلوا تحياتي...